Sorteo pa final di Scotiabank Caribbean Cup 2017 a tuma luga

WILLEMSTAD — Den siman tras di lomba e sorteo pa e final di e Scotiabank Caribbean Cup ku lo tuma lugá di 22 pa 25 di yüni na Martinique a tuma luga. FFK a sigui e sorteo aki via Skype huntu ku e otro federashonnan ku ta den kontienda pa e gran final aki.

E paisnan ku ta den nos pul ta lo siguente:

  1. Jamaica
  2. Martinique
  3. Kòrsou
  4. Frans Guyana

E promé partido lo ta dia 22 di yüni 6’or di atardi entre Jamaica i Frans Guyana mientras e segundo partido lo ta 8or di anochi, kaminda nos selekshon nashonal lo enfrentá e ekipo amfitrion, Martinique.

E hungadónan ku a forma parti di nos último weganan di nos selekshon ta lo siguiente:

  1. Eloy Room
  2. Rowendy Sumter
  3. Jarzinho Pieter
  4. Germaine ‘Kemy’ Agustien
  5. Jarchino Antonia
  6. Leandro Bacuna
  7. Shanon ‘Cheese’ Camelia
  8. Elson ‘Sontje’ Hooi
  9. Rangelo Janga
  10. Juriën Gaari
  11. Gino van Kessel
  12. Jason Wall
  13. Quinten Jakoba
  14. Michaël Maria
  15. Dustley Mulder
  16. Gevaro Nepomuceno
  17. Ayrton Statie
  18. Felitciano Zschusschen
  19. Christoper ‘Papa’ Isenia
  20. Ashar ‘Acha’ Bernardus

Fin di mart, durante kalendario di FIFA, e selekshon lo bin huntu pa kontinuá ku training nan pa e final di e Scotiabank Caribbean Cup i despues sigui ku e Gold Cup 2017 lo tuma lugá den luna di yüli na Merka, kual ta otro evento grandi ku lo konta ku kobertura mundial.