WILLEMSTAD — Kuminsando djasabra awór, durante di e periodo di 3-9 di Sèptèmber, lo tin un Kampeonato di Karibe di Senioren i Master na Santo Domingo na honor di sr. Franklin Mathilda. Frank ku ta un di e fundadónan di e federashon LATTU, ku ta para pa Latin American Table Tennis Union, a nifiká hopi pa e deporte aki den region.
Frank a wòrdu invitá pa sr. Juan Vilas ku ta aktualmente presidente i huntu ku ne lo biaha su señora i un delegashon di Kòrsou ku 4 hungadó i e presidente aktual di pinpòn na Kòrsou sr. Napi Boekhoudt. Riba e potret aki por mira Frank den kompania di Juan Vilas na Weganan Panamerikano na Toronto.