Sorteo pa Caribbean Cup 2016

WILLEMSTAD — Djasabra awor, 16 di yanüari lo tin un sorteo na Antigua pa sa ken lo ta kontrinkante di nos selekshon nashonal den e komienso di eliminator pa e Caribbean Cup ku lo tuma lugá na fin di mart di e aña aki.

E weganan aki lo ta estilo ‘uit- en thuiswedstrijden’ i e final lo ta den e promé mitar di 2017 pa sa ken ta klasifiká pa e Gold Cup ku ta tuma lugá na yüli 2017 na Merka.

Presidente di FFK i alabes miembro di direktiva di Caribbean Football Union (CFU), Sr. Rignaal ‘Jean’ Francisca huntu ku miembro di direktiva di FFK Sr. Hubert Isenia lo representá Kòrsou na e sorteo aki i tambe lo tuma parti na un reunion general èkstra ordinario organisá pa CFU.