MERKA — Skout internashonal, Ernst Meyer a keda nombra komo skout di aña pa e organisashon di Baltimore Orioles. Awe promé ku e partido kontra New York Yankees lo tin un homenahe pa Ernst i demas ganadónan di e organisashon di Orioles.
Ernst lo risibí e premio yama “Jim Russo Scout of the Year Award”, nombra na honor di Jim Russo ku a pasa 33 aña den vários kapasidat komo skout ku e ekipo di Baltimore.
Ernst Meyer ta un skout pa Baltimore ya pa 21 aña, kuminsando ku e ekipo na aña 1995. E skout di Kòrsou a rekomendá i firma mas di 15 pelotero di Kòrsou ku e ekipo di Orioles. Esaki inkluyendo e aktual segunda base di e ekipo, Jonathan Schoop.