WILLEMSTAD — Blue Bay Curaçao Golf & Beach Resort, komo organisadó ku orguyo ta presentá Baseball Week 2015. E evento aki su meta ta pa honra i duna promoshonna na beisbol di Kòrsou. E biaha aki e Siman di Beisbol lo tin klinika gratis pa hobennan, seminario pa koachnan i un findishi eksklusivo pa un bon kousa. Naturalmente na final lo bai tin un anochi spektakular na Tio Daou Ball Park. E siman di Beisbol ta kuminsa dia 27 di novèmber i lo dura te ku dia 4 di desèmber.
FINDISHI
E siman di Beisbol di Kòrsou ta ranka sali ku un tremendo vindishi. Tur kos lo ta den oferta pa rekouda fondo pa un bon kousa: Beisbol di hobennan kurasoleño. Admas di artikulonan di kolekshon di nos propio streanan di beisbol internashonal, lo bai tin otro artikulonan ku no ta ligá ku beisbol. Lo ta estupendo si por lo menos lo por surpasa e tremendo suma di Naf. 60.000,- ku a keda alkansa aña pasá. E entrada aki a ser usá entre otro pa donashon di bala na organisashonnan, yudansa pa Dutch Caribbean Baseball Academy i e ya famoso biahe di hobenan (MLB Kids) pa Miami, pa presensia un partido den e estadio di Marlins.
Ben Thijssen, un di e teknikonan di e selekshon di Reino Hulandes, e aña aki a kompañá e delegashon den e biahe pa Miami.. “ E muchanan ku ta partisipa na e klínikianan lo keda huzgá a base di nan talento, deseo di siña i demostrashon di gana di superá nan mes, dunando tur ku tin. Pa pone e chery riba e bolo ta skoge e seis hobennan ku mas talenot, ku lo haña e biahe pa Miami, akompañá pa un mayor. Pa e hobennan talentoso ku kai den e biahe aki lo ta un eksperensha enorme ku lo trese nan un tiki mas serka di realisa nan soño.
Hungadó i Koachnan
Te na e momentonan aki e siguiente hungadó i koachnan ya a konfirmá nan partisipashon na CBW 2015:
Andruw Jones, Didi Gregorius, Coco Balentien, Jonathan Schoop, Shairon Martis, Sharlon Schoop, Diegomar Markwell, Hainley Statia, Yurrendel de Caster, Kevin Moesquit, Juremi Profar, , Carlton Daal i Juan Carlos Sulbaran.
Sir Hensley “Bam Bam” Meulens komo tambe Ben Thijssen lo ta e koachnan envolví den e totalidat. Despues di e torneo Premier 12 na Japon i Taiwan, nan lo ta na Korsou pa e di tres` edishon di e Siman di Beisbol.
For di Merka lo bini tambe e koachnan Jim Jones (International Sports Group) i Ron Wotus di MLB. Di Hulanda lo bini tambe un delegashon di KNBSB ku e Managew di e ekipo di Reino, Steve Janssen. Janssen i Hensley Meupens lo ta e duo ku lo dirigi e selekshon di Reino na Premier 12.
Klinika i Seminario
Vincent Zrour di CBW ta masha entusiasma ku hinter e proyekto ku ta bai kuminsa aki dos luna. “Lo ta un siman fenomenal ku lo permiti masha hopi hoben realisa un soño. E anochi na Tio Daou pa klausura e siman lo ta un algu speshal. Ku 3500 fanatikod i nan mayor, famia I amigunan, lo por krea un tremendo ambiente den parke Tio Daou. Tur e 1200 muchanan ku ta hungando beisbol na Korsoyu lo haña instrukshon gratis den e diferente klínikanan ku nos profeshonalnan lo duna. Fuera di e ultimo konsehonan lo tin un “Meet & Greet” ku e peloteronan di manera ku ta invitando hinter Korsou pa bin disfruta di e gran anochi final na Tio Daou Ball Park. Entrada na tur e klínikanan ta gratis. ‘’
Danki pa e tremendo kooperashon lo por organisa seminario pa koachnan lokal. Via di e website di CBW nan lo por kuminsa inskribi unabes ku e partisipashon tin limite. Lo tin oradornan lokalkomoI tambe e koachnan menshona anteriormente. E seshonnan di praktika lo ta Djasabra 28 I Djadomungu 29 di November.
BALL PARK NIGHT & PARTNERS
Djabierne dia 4 di Desember lo tin 3500 karchi disponibel pa drenta Tio Doiu Ball park. E anochi aki ta bira e gran kulminashon di e siman di beisbol. Ku presensia di tur e hungadornan topo, porta di Tio Daou Ball park ta habri for di 5or di atardi. Lo bai tin un wega di All Star Senior League sigui pa un wega di Softball. Desxpueds di e weganan e spektakular Homerun Derby I na final un tremendo vuurwerk I un konsierto di un agrupashon musika local. Tur e paretnernan di e evento aki, KNBSB, CTB, Corendon, Insel Air, Maduro & Curiel,s Bank I nmediuonan lokalm europeo I Merikano tambe lo ta presente pa raporta riba e tremendo anpochji aki.
For di awor por kumpra entrada pa e grandioso anochi aki na Albert Heyn, Bruna, Mensing Caminada, 24 uur uit de Muur, Beep Beep na Rio Canario i na Blue Bay Golf. Entrada general ta Nafl. 20.-. Muchanan di 4 te 16 aña I 65+ ta paga F. 10.- i karchinan di VIP lo ta pa Naf. 125.-. Esei ta inklui un pechi ofisial i hopi bentaha. Pa mas informashon riba e tremendo siman di beisbol aki por haña tur detaye riba e site: www.curacaobaseballweek.com.