HENGELO — Churandy Martina ta regresá ku éksito den e kompetensia di FBK-Games na Hengelo Hulanda. Aña pasa Churandy no a forma parti di e kompetensia kai pa motibu di leshon. Pero e aña aki e atleta tabata bek ku un viktoria den e evento di 200m. Den e evento Churandy ta logra bin di atras i finalisá ku un tempu di 20.66 sekònde. Na di dos lugá pega tras di Churandy a finalisá Daniel Tablot ku un tempu di 20.67 sekònde.
Martina a kompetí den e evento di 100 meter tambe I a logra finalisá na di seis posishon ku un tempu di 10.40 sekònde. Huntu ku Churandy den e evento aki tambe a kore Hensley Paulina ku a finalisá na di ocho posishon ku un tempu di 10.45 sekònde.
Liemarvin Bonevacia i Terrence Agard tambe e kompetí den wikènt. E dosnan aki a partisipá den e evento di 400 meter na e Grand Prix di Ponce na Puerto Rico. Liemarvin a finalisá na di sinku lugá ku un tempu di 45.98 sekònde, miéntras ku Terrence a finalisá na di shete lugá ku un tempu di 46.04 sekònde.
Evento di 200 meter
Evento di 100 meter