Breve Deporte Awe #1-088

Resultadonan di Beisbòl Liga Grandi ayera:

  • Seattle Mariners a pèrdè di Toronto Blue Jays ku skor di 8-2
  • Houston Astros a derota Detroit Tigers ku skor di 10-8
  • Baltimore Orioles a pèrdè di Miami Marlins ku skor di 5-2
  • Oakland Athletics a derota Tampa Bay Rays ku skor di 7-2
  • Los Angeles Angels a pèrdè di Boston Red Sox ku skor di 6-1
  • Milwaukee Brewers a pèrdè di Atlanta Braves ku skor di 2-1
    Andrelton Simmons a konektá 1 hit den 2 turno na bate ku 1 base por bola i 1 kareda empuha. Andrelton tin un promedio di .248
  • New York Mets a pèrdè di Pittsburgh Pirates ku skor di 9-1
  • Philadelphia Phillies a pèrdè di Washington Nationals ku skor di 4-1
  • Minnesota Twins a derota Chicago White Sox ku skor di 8-1
  • St. Louis Cardinals a gana di Kansas City Royals ku skor di 6-1
  • Chicago Cubs a pèrdè di Arizona Diamondbacks ku skor di 4-3
  • San Diego Padres a derota Los Angeles Dodgers ku skor di 11-3
    Kenley Jansen no a picha den e partido aki
  • San Francisco Giants a pèrdè di Colorado Rockies ku skor di 11-2
  • Texas Rangers a derota New York Yankees ku skor di 5-1
    Didi Gregorius no a konektá hit den 4 turno na bate. Didi tin un promedio di .220. Didi a konektá dos honron di wikènt tras di lomba. Apesar di esaki kritikanan fuerte di fanátikonan i prensa di New York ta sigui riba e pelotero. Afortunadamente pa Didi, e gerente general di New York, Brian Cashman tin pasenshi ku e pelotero te ainda. Segun Cahsman, e no tin niun kambio plania den e ekipo te ku awor aki. Pero Cashman a rekonosé si ku e ekipo tin ku kuminsá hunga mihó

Partidónan di Liga Grandi pa awe:

  • Kansas City Royals kontra New York Yankees
  • Colorado Rockies kontra Cincinnati Reds
  • Philadelphia Phillies kontra New York Mets
  • Houston Astros kontra Baltimore Orioles
  • Boston Red Sox kontra Minnesota Twins
  • San Francisco Giants kontra Milwaukee Brewers
  • Washington Nationals kontra Chicago Cubs
  • Detroit Tigers kontra Oakland Athletics
  • Texas Rangers kontra Cleveland Indians
  • Arizona Diamondbacks kontra St. Louis Cardinals
  • Miami Marlins kontra Pittsburgh Pirates
  • Chicago White Sox kontra Toronto Blue Jays
  • Atlanta Braves kontra Los Angeles Dodgers
  • San Diego Padres kontra Los Angeles Angels

Breve

  • Den wikènt tras di lomba e ekipo di Albuquerque Isotopes a kita Jair Jurrjens for di listá di hungadó inkapasitá. E pelotero tabata riba e lista for di 19 di aprel ku leshon na un múskulo na su bèl di pia drechi. Lastimamente pa Jair ku den su promé salida di regreso e pelotero a bolbe leshoná. Siman pasa e ekipo di Isotopes a duna di konosé ku kada bes ku Jair progresá den rekuperashon di su leshon e leshon ta re-aparese. Ainda e ekipo no a duna di konosé ofisialmente ta kiko a pasa Jair e biaha aki. Pero si e ekipo a buta e pelotero bek riba lista di hungadó inkapasitá pa shete dia
  • E organisashon di Texas Rangers a anunsiá ku nan a manda kècher Sherman Lacrus pa e ekipo di dòbel A Frisco RoughRiders. Esaki pa motibu ku e organisashon di Texas a promové e kècher di Frisco RoughRiders pa Tripel A. Sherman tabata formando parti di Spring Training Ekstendé sperando komienso di su temporada den Klase A
  • Darren Seferina a keda aktivá for di e lista di hungadó inkapasitá pa Peoria Chiefs. Darren a keda algu mas di un siman sin mira akshon pa motibu di un leshon na su dùim robes. Seferina tin un promedio di .229 den 28 partido ku e ekipo di Peoria e temporada aki

Tripel A

  • Roger Bernadina a konektá 1 hit den 1 turno na bate ku 1 base por bola pa Albuquerque Isotopes. Roger tin un promedio di .267
  • Jair Jurrjens a picha 3 entrada i 1 tèrsio pa Albuquerque Isotopes promé ku e mester a bandoná e partido pa motibu di leshon. Den e salida Jair a permití 3 kareda riba 6 hit i a poncha 1 batido. Jair tin un rèkert di 0-0 den 3 salida ku un efektividat di 4.82

Dòbel A

  • Sharlon Schoop no a konektá hit den 4 turno na bate ku 1 kareda empuha pa Bowie Baysox. Sharlon tin un promedio di .246

Klase A

  • Carlton Daal a konektá 2 hit den 3 turno na bate pa Daytona Tortugas. Carlton tin un promedio di .269
  • Ozhaino Albies no a konektá hit den 5 turno na bate pa Rome Braves. Ozhaino tin un promedio di .279

Liga Independiente

  • Curt Smith a konektá un tripel den 3 turno na bate ku 1 base por bola, 2 kareda anotá i 2 empuha den e promé di dos partido pa Lincoln Saltdogs. Den e di dos partido, Curt a konektá 1 hit den 2 turno na bate ku 2 base por bola i 1 kareda anotá. Curt tin un promedio di .222