MERKA — Durante dia ayera, e organisashon di Baltimore Orioles a tuma e desishon pa manda Sharlon Schoop pa nan ekipo den tripel A, Norfolk Tides. Sharlon a habri e temporada aki i a pasa temporada pasa ku e ekipo di Bowie BaySox den dobel.
Pa Sharlon esaki ta e prome biaha den su karera profeshonal ku e ta hunga ku un ekipo den un klase mas altu ku dobel A. Ayera nochi, mes ora Sharlon a hunga segunda base pa e ekipo di Tides, pero no a logra konekta hit den kuater turno na bate.
Pa e ekipo di Bowie Baysox ku Sharlon tabata ku ne, e la logra e temporada aki un promedio di .304 den shete partdio.