Wladimir Balentien bek riba roster ku Tokyo Yakult Swallows

HAPON — E ekipo di Tokyo Yakult Swallows a anunsiá ku nan a añadí Wladimir ‘Coco’ Balentien na nan roster aktivo. Wladimir ta plania pa hunga su promé partido ku Swallows awe kontra di e ekipo di Yomiuri Giants.

For di komienso di siman Wladimir a kuminsá hunga ku e ekipo di Swallows den Liga Menor despues di shete luna sin hunga beisbòl. Na sèptèmber di aña pasa Wladimir mester a bandoná e ekipo di Swallows i biaha pa Mekra kaminda e la opera su tendon di Achilles robes.

Huntu ku Swallows temporada pasa, Wladimir a hunga den 112 partido i a logra un promedio di .301 ku 31 honron i 69 kareda empuha.