MIAMI – E kaminda pa FIFA Kopa Mundial 2018 na Rusia a kuminsá ayera pa e konfederashon di CONCACAF. CONCACAF ayera a tene su sorteo pa e partidonan klasifikatorio pa Mundial Rusia 2018. Akinan Kòrsou a keda elegí pa hunga su promé dos partidonan den e promé buèlta kontra di Montserrat. E partidonan di e promé buèlta lo tuma lugá entre dianan 23 pa 31 di mart próksimo. Kòrsou lo hungando su promé partido na kas i despues ta biaha pa Montserrat pa enfrentá e ekipo aya nan. Saliendo viktorioso for di e promé buèlta aki e selekshon di Kòrsou lo topa ku Cuba den e di dos buèlta. E partidonan aki lo tuma lugá entre e fechanan di 8 pa 16 di yüni próksimo.
Video di e sorteo
Kortesia di: CONCACAF